Aujourd’hui, je concours !

25 juillet, 2008 par Adam Bouhadma, dans Humour, My Life !. 9 commentaires

Salut la campagnie !

Il est 6:22 précise et dans un peu plus d’une heure aura lieu de concours d’accès au cycle préparatoire de l’ENSA !

Comme l’a dit un certain Abdrazzak Almerhaoui : Je ne me rappelle pas de tout les mots mais je me rappelle de l’ambiance de la scène !

En attendant mon retour je vous laisse en campagnie de Mr.Bean.

[youtube X7IiBg4oRDs]

Adamito! … Passera-t-il?

Il pleut à Agadir !

21 juillet, 2008 par Adam Bouhadma, dans Humour. 1 commentaire

Oui, oui ! Il pleut à Agadir ?

Et chez vous ?

Le bilan !

9 juin, 2008 par Adam Bouhadma, dans Humour. 4 commentaires

Bilan d’une année terminale Science mathématique !

Source : http://www.xkcd.com/

Un peu mitigé comme bilan !

Adamito! … Retour!

يوسف و توة 7

4 novembre, 2007 par Adam Bouhadma, dans Humour. 12 commentaires

بعد مرور 5 أشهر

…

غادي نلخص داكشي لي وقع فهاد لمدة ف 2 سطر :

ـ الأم تاع توةَ ماتت، الله يرحمها

ـ توةَ ولات تاتخدم لفانيد … حيت لبرزرفاتيف غالي

انا نبركَم ونتوما تفهمو !

انا وتوةَ عايشين بجوج … كولشي بيخير و على خير

ومن جيهت لقرايا … ما تخمموش … خوكوم ديما الأول ! … تانوصل كَاع قبل من الأستاذ … بشاخ !

ياك ما تيقتو عاوتاني ؟ … بالمعقول … راني تانجيب نقيطات … والحمد لله !

فاش ولات عندي 18 لعام … بعت الدار لي كنت ساكن فيها و شريت وحدا أخرى … داك لحي كانو فيه لبركَاكَا بزاف … ما كانوش غادي يخليونا ترونكيل انا و توةَ.

اما دابا الراحة و لهنا… ما كاين لاصداع لا والو … بحال يلا ساكنين بوحدنا فشي خلا !

يه، أو يمتا غادي تزوجو ؟

واش نتوما مراض ولا شادين فيا لخاريج !… علا هاد لقيبال … نديرو نيت دراري … وتكمل لباهيا … راه هير قصص الحب فالافلام المصرية ولمغربية لي تاتسالي بزاوج.

عرفتو توةَ آش تادير دابا ؟ … راها تاتغسل لماعن !

كيفاش ؟ … ما سمعتش مزيان … لا لإستغلال ؟ … وا لا … راه نوبتها ليوم … غدا غدي نغسلهوم انا ما تخافوش ! … تحيا لمساواة … ياك ؟

فاش كملات توةَ جات عندي،و كَالت ليا :

ـ ماعمرك زعما فكرتي نتزوجوا ؟

ـ توةَ، الله يهديك، شحال من مرة كَلت ليك انا حنا مزال صغار على شي زواج. راه ما بقيناش فلعصر العباسي باش نتزوجوا ف 18 لعام

ـ والكين، ما خفتيش يجيو شي نهار لبوليس، و نصدقوا فماهي و ما لونها !

ـ اشمن بوليس ولا عسكر، راهوم واحلين غير معا صحاب لحيا و شفارا، ام حنا ما مبرزطين حد

ـ انا بعدا مابغيتش ندوز الباك ديالي فلحبس !

ـ راه ماخفتي والو ا بنت الناس، العساس لي يقدر يبكَكَ بينا تاندور معاه كل سيمانا، وحتا نتي يلا سولك شي حد كَولي ليه مزوجين !

ـ واخا، مايكون غير خاطرك

ـ نساي دوك لماشاكيل لخاويا و راجعي شويا انا غادي نمشي نصايب لعشا؛ آش ظهر ليك فشي سالاد ؟

ـ داكور، والاكين ماتكترش فيها زيت لعود عاوتاني !

ـ كوني هانيا !

فاش كنت تا نصايب لعشا، بقيت تانفكر فلهضرا ديال توةَ … يلا جيتي تشوف كولشي مومكين … إقدر شي نهار يقرقبو علينا البوليس و نوليو فلماشاكيل … آش من قانون هذا لي تايصيفت جوج ديال ناس لبنيقا حيت بغاو يعيشو بجوج … خلينا ساكتين و صافي .

يلا تزوجنا اشنو فيها كَاع ؟ … بلا عرس لا والو … هير باش نبعدو على الصداع … حتا هذي فكرة … والكين خليها تالمنبعد !

شلادا كانت بنينا … واخا كان فيها زيت لعود قليل … والاكين آش غادي ندير، خاصني نعطي لتوة لخاطر … كولشي عارف علاش … انا نبركَم ونتوما تفهمو !

الصراحة الحياة معا توةَ حلوّة … واخا بعض لمرات تاطلع فراس … والاكين لموهيم هو انها معمرا عليا الدار … و ملفوق تاطهلا فيا … شكون بحالي، ياك ؟

عنداكوم يصحابكوم اناني تانستغل توةَ ! … حرام … حتى انا مْهلي فيها مزيان … هير ديك نهار شريت ليها واحد سلسلة تاع الذهب … سعداتها، ياك ؟

ـ يوسف !

ـ نعام ا توةَ

ـ باراكا عليك من ديك تلفزة، واش ما بغيتيش دير ستيلو فلغلاقا ؟

ـ هاني جاي !

غادي نخليكوم هاد الساعة السعيدة … راكوم سمعتو بودنيكوم … لو دوفوار مابيل !

يوسف بنعدي